News April 2, 2025
பிரபலமான காளை உயிரிழப்பு: ரசிகர்கள் சோகம்
வாணியம்பாடி சூப்பர் ஸ்டார் ஒற்றைக் கொம்பு காளை உடல்நலக்குறைவால் நேற்று (ஏப்ரல் 1) உயிரிழந்தது. எருது விடும் விழாக்களில், இந்த காளை பல பரிசுகளை வென்றுள்ளது. ரசிகர்கள் மனதில் நிலைத்து நிற்கும் அளவிற்கு இதன் ஆட்டம் வியப்பாக இருக்கும். ஒரு போட்டியில் ஒரு கொம்பை இழந்தாலும், இன்னொரு கொம்புடன் களத்துக்கு வந்து சீறிபாய்ந்ததை ரசிகர்கள் யாராலும் மறக்க முடியாது. இதன் மறைவால், ரசிகர்கள் சோகத்தில் உள்ளனர்.
Similar News
News January 17, 2026
திருப்பத்தூரில் 250 கோழிகள் இலவசம்!
திருப்பத்தூர் மக்களே.. தமிழ்நாடு கால்நடை பராமரிப்பு துறை சார்பில் நாட்டு கோழி பண்ணை அமைக்க மானியம் வழங்கும் திட்டம் கொண்டுவரப்பட்டுள்ளது. இந்த திட்டத்தின் கீழ், நாட்டுக் கோழி வளர்ப்புப் பண்ணை அமைக்க மொத்த செலவில் 50% மானியம், 250 கோழிகள் இலவசமாக வழங்கப்படுகிறது. விருப்புள்ள நபர்கள், அருகில் இருக்கும் கால்நடை மருத்துவமனை அல்லது கலெக்டர் அலுவலகத்திற்கு சென்று விண்ணப்பிக்க வேண்டும். ஷேர் பண்ணுங்க!
News January 17, 2026
திருப்பத்தூர்: சிறுமி கர்ப்பம்; பாய்ந்த போக்சோ!
ஜோலார்பேட்டை செம்மூர் கவுண்டர் தெருவைச் சேர்ந்தவர் வெங்கடேசன் (28). இவர் 2024-ல் 16 வயது சிறுமியை காதலித்து திருமணம் செய்து கொண்டார். இந்நிலையில் கர்ப்பமான சிறுமி திருப்பத்தூர் அரசு மருத்துவமனைக்கு பரிசோதனைக்காக சென்றார். சிறுமியின் வயது மற்றும் திருமணம் குறித்து அறிந்த டாக்டர்கள் ஜோலார்பேட்டை போலீசாருக்கு தெரிவித்தனர். இதையடுத்து வெங்கடேசன் மீது போக்சோ வழக்கு பதிவு செய்யப்பட்டுள்ளது.
News January 17, 2026
திருப்பத்தூர்: வாலிபர் விபரீத முடிவு
ஜோலார்பேட்டை அடுத்த மண்டலவாடி ஊராட்சி பகுதிக்கு உட்பட்ட குன்னத்தூர் பகுதியியை சேர்ந்த வாலிபர் பிரவின். நேற்று (ஜன.16) பிரவினின் பெற்றோர் இவரை கண்டித்துள்ளனர். இதனால் மனமுடைந்த பிரவின், துளசி என்பவருக்கு சொந்தமான நிலத்தில் எலி மருந்து குடித்து தற்கொலைக்கு முயன்றார். இதையறிந்த அப்பகுதி மக்கள் அவரை மீட்டு சிகிச்சைக்காக திருப்பத்தூர் அரசு மருத்துவமனைக்கு அனுப்பி வைத்தனர்.